LAOAG CITY – Agtultuloy ti imbestigasyon dagiti kameng ti PNP-Paoay mainaig iti desgrasya a napasamak iti Barangay Bacsil iti ili ti Paoay a nakairamramanan ti maysa a pulis.
Agpapan maisursurat ti damag ket saan pay a makumpirmaran dagiti pulis no nakainom iti nasanger ti kadua na idi napasamak ti desgrasya.
Segun kenni Mr. Roberto Tibig, manarimaan ti panagibuyog na iti kanen ti taraken da a tumatayab idi nakangeg ti napaspas a sumungad a lugan.
Inbatad na a saan unay a nagbayag ket naidungparen ti kotse iti alad ti pagtaengan da ken nakita nan a nabaliktad ti lugan.
Inlawlawag na nga idi inasitgan na ti lugan a nagbaliktad ket nangeg na bose ti tao nga agas-asog.
Ditoy met a naamoan na manipud kadagiti dadduma nga indibidual a nakita da met a napalaos ti panagpataray ti pulis.
Naamoan a malaksid iti alad da ket nadungpar pay ti puon ti niyog, marunggay ken money tree.
Maipalagip a basar kenni PMaj. Eddie Suyat, naggapo iti Barangay Nagbacalan para iti security survey ti pulis ken idi agsubli iti istasyon da ket kellaat a limmasat ti aso.
Gapo iti daytoy, liniklikan ti pulis ti aso ngem napukawan ti kontrol iti manibela isut gapo na a nagderderteso ken naidungpar iti alad.
