LAOAG CITY – Agtultuloy pay laeng ti panagbirok dagiti dagiti otoridad kadagiti nagaburan iti narpuog a pasdek ken balay kalpasan ti idadayyeg ti magnitude 6 a gingined idiay Afghanistan.
Ado pay laeng kadagiti nasugatan a biktima ti agpapaimbag iti ospital.
Nagpanawagan met ti United Nations High Commissioner for Refugees (UNHCR) kadagiti pagilyan a dagus a mangipatulod ti tulong.
Ummuna metten a nangipatulod dagiti kameng ti Islamic Relief manipud iti United Kingdom tapno tumulong iti panagbirok dagiti mapukpukaw gapo iti linteg.
Saan pay a masigurado ti International Federation of the Red Cross ken Red Crescent Societies (IFRC) no mano ti pakabuklan a danyos iti nasao a gingined iti Eastern Afghanistan.
Dakkel pay a karit kadagiti rescuers ti kinasipnget ken iti agtultuloy nga aftershocks.
Kabayatanna, nangipatulod metten ti tulong ti UN World Food Programme (WFP) para kadagiti biktima ti gingined.
Patta-pattaen met dagiti otoridad a ngumato pay ti bilang dagiti natay no sadinno iti inisyal ket nasuroken a 800 ken umabot iti 3,000 dagiti nasugatan.
Adda met ti inyalokar ti Afghan government a $1.46 milyon kas tulong kadagiti amin a nakalasat iti gingined.
