LAOAG CITY – Agbubuteng dagiti residente iti Barangay 37, Calayab ditoy ciudad ti Laoag gapu ta nagtalinaed iti lugar ti maysa a senior citizen a nagpositibo iti covid-19.
Inbatad ni Barangay Chairwoman Marvelyn Padayao iti nasao a barangay a namin-adon a daras nga intawag na iti City Health Office (CHO) ken Department of Public and Safety (DPS) tapno mapan da alaen ti nasao a pasyente ngem agpapan ita ken awan pay ti napan nangala.
Inpasigurado met ti kapitana nga agingga laeng iti compound da ti nasao a pasyente ken saan a rumrumuar iti inaladan da.
Nupay kasta, saan a maliklikan nga adda latta ti panagdanag dagiti residente iti nasao a barangay.
Innayon na a kinasarita na metten dagiti residente nga isudan ti umadayo iti pasyente ken agtalinaed da lattan iti uneg ti pagtaengan da.
