LAOAG CITY – Saanen nga interesado nga agpila iti anyaman reklamo ni Provincial Security Guard Roderick Manuel kalpasan ti pannakapaltog ti likod ti ulo na itay kallabes.
Basar iti PNP Laoag, adda ti inaramid ni Manuel nga affidavit a nangilawlawagan na a ti nakapaltog kenkuana ket ti paltog ti kaddua na a ni PSG Agbayani Gervacio.
Iti affidavit ni Manuel, inbatad na nga aksidente a nagputok ti service firearm ni Gervacio nga aksidente a nakatamaan ti teltel na.
Immun-una iti daytoy, naiget nga inpasingked ni Gervacio kabayatan ti imbestigasyon ti PNP nga adda sabali a nakapaltog iti biktima ken nagwarning shot laeng idi adda nangeg na a putok ti paltog.
Maipalagip a napasamak ti insidente iti uneg ti guardhouse kabayatan a nakaduty da Manuel ken Gervacio iti Provincial Engineering Office.
