LAOAG CITY – Inbatad ni PLt. Col Rafael Lero, ti hepe ti PNP-Laoag a ti subject ti operasyon ti naiyuswat a drug  buybust operation iti Brgy. 2 ditoy siudad ti Laoag ket dati a balod iti bilibid.
Daytoy ket gapu iti kaso a rape ken murder iti nagbaetan ti tawen 2012 ken 2013 ken nawaya-wayaan laeng gapu iti parole.
Malaksid iti daytoy, kuna ni Lero a ti subject a ni Jeyrold Sahagun Sabado, addaan ti umno a tawen ken residente iti Barangay 38-A, Mangato ditoy ciudad ket miembro Rapisora drug group ditoy probinsya ken maysa nga High Value Individual.
Kabayatanna, inpakaamo ti hepe nga agdagsen ti 1.9 a gramo dagiti uppat a sachet ti maatap a shabu a nakumpiskar manipod iti subject ken addaan daytoy ti street value a 19,000.
Innayun na a dimmalanen ti drug test ti subject ken manamnama a mapilaan ti kaso a panagsalungasing ti RA 9165 wenno ti Dangerous Drugs Act of 2002.
Maipalagip a nasugatan pay ti subject bayat ti panangkamkamat dagiti otoridad gapu iti panagresistir na a matiliw.
