LAOAG CITY – Naglikudan ti suspek a ni Darius Miguel Eugenio, a bagi na ti nakita da a paraphernalia iti bag na kabayatan ti panagturong na iti Unique bar ditoy ciudad ditoy ti Laoag.
Patien ni Eugenio nga adda nangipan ti glass tube tooter iti uneg ti bag na gapu ta idi sumrek da iti nasao a bar ket awan met ti nakita, ngem apaman a ngimmato da iti maikadwa a kadsaaran ti bar ket ditoy nga adda nangayab kadakuada ken kinita da manen ti linaon ti bag na nga isu metten ti nakakitaan da iti glass tube tooter.
Pinasingkedan na pay a nabayagen a saan nga agus-usar isuna iti daytoy.
Mainaig iti daytoy, manamnama a maipadalan ti suspek iti medical examination tapno maamwan no agus-usar wenno saan iti illegal a droga.
Kabayatanna, nagtalinaed ni Eugenio iti salinong ti Philippine National Police ditoy ciudad ti Laoag.
Maipalagip a naarestar ti suspek a ni Darius Miguel Eugenio, agtawen iti 48, naasawaan, tricycle driver ken residente ti Hernando St., Brgy. 1, San Lorenzo ditoy siudad ti Laoag apaman a naalaan daytoy ti glass tube tooter iti panagturongna iti Unique Bar iti Brgy. 7-A ditoy siudad ti Laoag.
