LAOAG CITY – Binigbigen ni Police Major Paul Benedict Parado, ti chief of police iti ili a San Nicolas ti suspek a nangpatay iti assistant manager iti maysa a grocery store iti ili a San Nicolas a ni Juvilyn Bardiaga, taga Santiago, Isabela.
Daytoy ket ni John Mariel Dador alyas Tisoy, agpapaay kas maintenance/janitor iti nasao a kompanya.
Inbatad ni Parado a basar ti resulta ti pannaka-eksamen ti bangkay ni Bardiaga ket awan ti pagilasinan a narames isut gapuna a ti laeng inpila da a reklamo ket murder.
Kinumpirmaran ni Parado nga adda ti saan a nagkinnaawatan ti biktima ken suspek maipanggep iti trabaho.
Maipalagip a nabirukan lattan ti silalamo a bangkay ni Bardiaga iti uneg ti apartment na iti Barangay 2 iti ili a San Nicolas.
