LAOAG CITY – Ginandat a papatayen ti suspek a nabigbig a ni RJ Morales Ronduen, adda iti umno a tawen, awanan asawa ti biktima a nabigbig a ni Lolita Sagadraca Torio,agpada a residente iti Sitio Natdek, Barangay 40 Balatong ditoy ciudad ti Laoag kalpasan a sinnerekna ken tinakawan ti pagtaengan ti biktima.
Segun ken ni Torio, mapapati a simrek ti suspek iti ridaw ti kusina da gapu ta nakaluat daytoy ken masansan a saanna irikrikep daytoy.
Kinunana a kalapsan a nagtumar daytoy ti agas iti parbangon idi Nobiembre 7 ket adda ti nangilukat ti ridawda idinto a kellat isuna a binnekel ti suspek iti agarup tallo a minuto.
Nupay kasta, inubra amin ti biktima ti kabaelanna tapnu labanan ti suspek.
Mainaig iti daytoy ket kinomprontar na ti suspek ngem saan daytoy a simmungbat isu a nagpukkaw isuna ken nagkiddaw ti tulong.
Gapu iti daytoy, dagus a naglibas ti suspek ken rimmuar isuna iti nakalukat a ridaw iti kusina.
Naammoan a dagiti natakaw a ramit ti biktima ket maysa a relo nga agbalor ti uppat a ribu a pisos, maysa a kwentas nga agbalor ti 48 a ribu a pisos a naidulin dagitoy iti bassit a drawer ken kuarta nga agbalor ti lima a ribu a pisos pakairamanan ti dua nga US Dollar a kuartana a naidulin iti wallet ti biktima.
Kabayatanna, namnamaen ni Torio a matiliw ti suspek iti pagtaenngan na iti mabiit a panawen.
Iti agdama, mannarimaan ti man hunt operation ti Philippine National Police ditoy siudad ti Laoag iti nasao a suspek.
