LAOAG CITY – Kinumpirmaran ni Police Major Sheryl Guzman, ti pannakangiwat ti INPPO nga addan ti suspek ti pammaltog a napasamak iti Barangay 19 ditoy ciudad ti Laoag.
Ti suspek ket agtawen ti 44, naasawaan, tubo iti Tawaan, Marawi City ken agdama nga agnanaed iti Muslim Compound iti Barangay 1 ditoy ciudad ti Laoag.
Segun kenni Guzman, nadeterminar ti suspek babaen iti tulong ti eye witness ken agtultuloy nga imbestigasyon pakairamanan ti CCTV footages a nakalap ket natiliw da daytoy idi kalman, Pebrero 21, 2021.
Inlawlawag na a basar iti imbestigasyon, adda ti live-in partner ti biktima a maysa a Muslim ken kabsat ti suspek.
Kunana a basar iti impormasyon da ket nadagsen a basol iti tradisyon dagiti Muslim a makirelasyon iti sabali a relihiyon.
Mainaig iti daytoy, kunana ti maipila a kaso ket murder.
Kabayatanna, manamnama met a mangipaay ti komento ti Muslim Community seknan iti nasao a banag.
