LAOAG CITY – Temporaryo a nawaya-wayaan ti tricycle driver a ni Mr. Darwin Lawaan kalpasan a nagtennag iti regular filing ti naipila kenkuana a reklamo a Reckless Imprudence resulting in Homicide and Damage to Property.
Ni Lawaan ti nangiturong iti tricycle a nakadinnungpar tin aka-motorsiklo no sadinno a pimmusay ti driver na.
Agtultuloy met ti imbestigasyon dagiti otoridad seknan iti napasamak ken maiyur-uray ti agbalin a desisyon ti pamilya ti biktima.
Maipalagip a kabayatan ti panag-overtake koma ti tricycle iti sarsarunwen na a behikulo ket isu metten ti panagdinnungpar da iti kasabat na a motorsiklo.
Gapu iti kapigsa ti impact ti panagdinnungpar ti dua a behikulo ket nagsagaba ti nakana a sugat ti nangiturong iti motorsiklo a nangitunda iti ipapatay na.
Kabayatanna, nagsagaba met ti sugat dagiti agina a pasahero ti tricycle nga itulnog na koma iti Barangay 52-B Lataag ditoy ciudad ti Laoag.
