LAOAG CITY – Natay ti uppat a pasyente ti COVID-19 idinto nga 31 ti nagpositibo ditoy probinsya.
Segun ti gobyerno probinsyal, pimmusay da IN-C2749, lakay, agtawen ti 72 ken residente iti Brgy. 13 Naglicuan, Pasuquin; IN-C3532, lalaki, agtawen ti 55 ken residente iti Brgy.1 San Francisco San Nicolas; IN-C3807, baket, agtawen ti 78 ken residente iti Brgy. Pias Norte, Currimao, kenni IN-C3808, lalaki, agtawen ti 45 ken residente iti Brgy. 18 San Quirino, ditoy siudad ti Laoag.
Manipud kadagiti baro a kaso, 17 ti baro a kaso iti ili ti Bangui, 12 ditoy siudad ti Laoag, ken saggaysa iti siudad ti Batac, Paoay, Pasuquin ken Currimao.
Gapu iti daytoy, umaboten iti 3809 ti kaso nga addaan iti 700 nga aktibo a kaso, 3038 ti recoveries kalpasan a nagimbag ti 29 a pasyente, ken 71 dagiti pimmusay.
Addaan ti 177 ti aktibo a kaso iti ili ti Bangui idinto 174 ti aktibo a kaso ditoy siudad ti Laoag.
