LAOAG CITY – Kinumpirmaran ti Philippine Embassy idiay Myanmar a saan pay a nabirukan ti uppat a mapukpukaw a Pilipino iti napigsa a ginggined idiay Myanmar.
Mainaig iti daytoy, rugianen ti National Bureau of Investigation-Disaster Victim Identification Division (NBI-DVID) ti panagkalap ti tissue samples manipud iti unidentified remains a narekobre iti narpuog nga Sky Villa building idiay Myanmar.
Naammoan a ti National Bureau of Investigation-Disaster Victim Identification Division iti Manila ket mangala met ti samples iti pamilia ti missing Filipinos.
Kabayatanna, maysa pay a bansada dagiti Pilipino a naapektaran ti ginggined ti maiyakar iti Philippine Embassy iti temporario a pagnaedan idinto a dagiti Pilipino a nagkedked nga agpa-relocate ket inpaayan pay laeng ti embahada ti temporary accommodation ken ibakbaklayna ti transportasionda.
Inpasigurado ti Philippine Embassy nga agtultuloy ga ipaayanda ti financial assistance ken medical assistance pakairamanan ti trauma counseling.
