LAOAG CITY – Uppat a pasdek negosio dioy probinsia ti napaserraan babaen iti Oplan Kandado ti Bureau of Internal Revenue.
Segun ken ni Assistant Revenue District Officer Marinela Tandoc, dagiti nadakamat a pasdek negosio ket saanda nga ububraen ti obligasionda nga agbayad ti buis iti nasao nga opisina.
Kinunana nga insigida a napaserraan dagiti pasdek negosio kalpasan ti sumagmamano a palagip manipud iti ahensia.
Innayonna iti tunggal tawen ket dua laeng a pasdek negosio ti target ti Bureau of Internal Revenue a mapaseraan babaen ti programa nga Oplan Kandado ngem ita a tawen ket dimmanon daytoy iti uppat.
Kabayatanna, immunan nga inpakaammo ni Tandoc a saan pay a nagun-od ti Bureau of Internal Revenue Office ditoy probinsia ti tax goal da ita a tawen.
