LAOAG CITY – Adda ti uppat pay a naisakalan gapu kadagiti narpuog a pasdek kalpasan ti idadayyeg ti magnitude 7.7 a ginggined idiay Myanmar.
Naammoan a dagiti nasao a naisalakan ket nakita manipud kadagiti narpuog a pagadalan iti northern Sagaing region.
Mainaig iti daytoy, ginasut pay laeng nga indibidual ti naipadamag a mapukpukaw no sadinno nga agtultuloy pay laeng ti maiwaywayat a rescue operations dagiti otoridad.
Namnamaen dagiti otoridad idiay Myanmar a ngumato pay ti bilang dagiti natay a dumanonen iti sumurok 1,700 a tattao idinto nga idiay Bangkok ket adda ti nairekord a 18 nga indibidual ti pimmusay ken 76 a mangmangged ti naimaldit a mabirbiruk kalpasan a narpuog ti ar-aramidenda a pasdek.
Iti agdama, agtultuloy pay laeng ti rescue operations ken timmulong payen dagiti dadduma a pagilian tapno maiyal-alisto ti panangsapul kadagiti biktima.
