LAOAG CITY -Naminpinsan a nauram ti uppat a balay, maysa a kotse ken maysa a motorsiklo iti sitio Pandan, Bgy. Barit iti ciudad ti Laoag.
Segun ken ni Bgy. Kagawad Evangeline Domingo, nangrugi ti uram iti pagtaengan da Richard Neil Domingo.
Kuna na a dagiti nauram a pagtaengan ket pakaibilangan ti dua a two storey building ken maysa a bungalow type a duplex ti estilo na.
Pagnanaedan daytoy ti lima a pamilya da Wilfredo Abitong, Rodel Tomas, Nestor Tomas Sr., Richard Neil Domingo ken Esmenia Domingo.
Kabayatan na, inbatad ni Esmenia Domingo nga alisto a nagkayamkam ti uram gapu ta adda da light materials, napudot ti tiempo ken naangin.
Awan dagiti nadangran ken adda dagiti sumagmamano a naitaray dagiti biktima kas iti alahas, kuwarta ken dokumento.
Saan pay nga ammo no kasano ken no ania ti makagapu ti uram ken im imbestigaranen dagiti kameng ti Bureau of Fire Protection (BFP).
Insigida met a nagresponde ti Disater Risk Reduction and Managment Council ti ciudad ti Laoag.
