LAOAG CITY – Kinumpirmaran ni Police Major Adriano Licudan iti PNP-Laoag a dinadael dagiti uppat a lallaki ti maysa nga armoured vehicle idiay Barangay 32-A, Lapaz ditoy ciudad.
Immuna iti daytoy, nagreport ti driver ti behikulo a ni Ildefonso dela Cruz Mateo, agtawen ti 45 ken residente iti nasao a barangay gapo iti pasamak.
Nabigbig dagiti suspek a da Mac Mac Ramos Antonio, Christian Ramos Antonio, Bladimere Martinez ken Jake Ramos Antonio, agpapada nga addaan ti umno a tawen ken residente iti nasao a lugar.
Segun kenni Licudan, idi agparking kuma ni Mateo iti sangwanan ti balay ni Kagawad Roger Pascual iti met laeng nasao a barangay ket binusinaan na dagiti nasao a suspek.
Nupay kasta, nakapungtot dagiti suspek a nakalugan ti kurong-kurong rason a nagsardeng ken napan da pinerdi dagiti dua a side mirror ken ti wiper ti nasao a lugan.
Innayon ni Licudan a nairekomendar daytoy a banag iti nasao a barangay.
