LAOAG CITY – Natiliw dagiti uppat nga indibidwal gapo iti panagay-ayam da ti mahjong iti Barangay 8, San Rufino iti ili ti San Nicolas.
Nabigbig dagitoy a da Jimmy Cu y Bagay, 49, residente iti Brgy. 4, San Bartolome; Ruth Balantac y Piedad, 53, residente iti Brgy. 7, San Miguel, Boyd Duldulao y Sacramento, 67, ken Virgilio Rangcapan y Lumabao, 51, agpada a residente iti Brgy 8, San Rufinoiti nasao nga ili.
Segun kenni Police Major Joseph Baltazar, ti hepe ti PNP-San Nicolas, nakumpiskar da ti maysa a set mahjong tiles, uppat a pidaso ti mahjong dices; 18a pidaso ti mahjong chips; 4,585 a bet money; ken tugaw.
Ummuna iti daytoy, kuna ni Baltazar nga adda ti naawat da a report nga adda ti agsusugal iti nasao a barangay partikular iti balay ni Duldulao.
