LAOAG CITY – Inpakaammu ti Israel Defence Forces a naispal da dagiti uppat nga Israeli hostages a kinidnap ti Hamas idi Oktubre 7, 2023 bayat ti Nova music festival.
Nabigbig dagiti naispal a da Noa Argamani, agtawen ti 25, Almog Meir Jan, agtawen ti 21, Andrei Kozlov, agtawen ti 27, ken Shlomi Ziv, agtawen ti 40.
Naisalakanda babaen ti joint “complex” daytime operation, a insayangkat dagiti Israel Securities Authority ken Israel Police, manipud iti dua a nagduduma a lokasion idiay Nuseirat, central Gaza.
Inbatad pay ti Israel Defence Forces nga iti laksid ti kinatalged da ket naiyakarda iti ‘Sheba’ Tel-HaShomer Medical Center para iti kanayonan a medikal nga eksaminasion.
Mainiag iti daytoy ket inpakammu met ti Gaza’s Hamas-run health ministry a pinulpullo a tattao, a pakairamanan dagiti ubbing ti natay ken nasugatan bayat ti operasion.
