LAOAG CITY – Inpakaammmo ni Dr. Alfredo Domingo, ti municipal health officer iti ili ti Paoay nga adda ti uppat a kaso ti delta variant iti nasao nga ili.
Kuna ni Domingo a dagiti nagpositibo ket immunan a nagpositibo iti covid-19
Inbatad na a kadagiti delta variant cases ket maysa ti residente iti Brgy. Nagbacalan, Brgy. Suba, Brgy. Sungadan ken iti Brgy. Cabangaran
Segun ken ni Domingo, agpapada a naipan iti Mariano Marcos Memorial Hospital and Medical Center iti siudad ti Batac dagiti maseknan sakbay a nagpositibo dagitoy iti covid-19.
Kuna na a kalpasan a naalan dagitoy ti specipen ket naipatulod iti Philippine Genome Center para iti testing ket nagpositibo dagitoy.
Kabayatanna, inlawlawag ni Domingo a ti taga Brgy. Suba ket adda iti ili ti Currimao ken idiay a dimmalan iti panagquarantine.
Innayun na a dagiti primary contacts ti delta case iti Brgy. Sungadan ket adda da met a nakaquarantine iti Brgy. Pasil gapu iti residensya dagitoy.
