LAOAG CITY – Pormal nga inrakurak ni United States Defense Secretary Pete Hegseth ti panangiyuswat ti US military ti kampanya kontra iti “narco-terrorist”.
Daytoy ket kalpasan ti panangideploy dagiti aircraft carrier, fighter jets, ken soldado iti kabaybayan ti Latin America.
Inbatad ti opisyal a ti Operation Southern Spear ket idaulwan ti Joint Task Force Southern Spear ken US Southern Command.
Ti misyon ket tapno depensaan ti US tapno maikkat ti narco-terrorists ken maprotehiran dagiti umili manipid iti iligal a droga.
Maipalagip a nangiyuswat ti 20 nga airstrike ti US kadagiti bangka a maipagarop a nagkarga iti iligal a droga iti Caribbean ken Pacific.
Ti nasao a panagatake ket kinondenar ti United Nations a maibagbaga a maysa a panaglabsing iti karbengan dagiti tattao ti inaramid da.
