LAOAG CITY – Agbalin a kritikal unay para iti saritaan ti gubat ti Russia ken Ukraine gapu ta isu ti panagdesisyon ti Estados Unidos no itultuloy na ti makiballaaet.
Daytoy ti inbatad ni US Secretary of State Marco Rubio.
Inlawlawag ni Rubio a saan a nangipataw ti baro a pannusa ni Trump iti Russia gapu ta namnamaen na paylaeng a mapagngudo ti diplomasya ti gubat.
Inrakurak daytoy ni Rubio kalpasan ti apagbiit a taripnong ni Trump ken ni Ukrainian leader Volodymyr Zelensky iti Vatican sakbay ti pannakaitabon ni Pope Francis.
Immunan nga inrakurak ni Trump a mamati a nakasaganan ni Zelensky a mangisuko ti Crimea iti Russia kas paset ti saritaan ti kapya iti baet a nagkedkedan ti Kyiv ti aniaman a proposal iti kallabes.
