LAOAG CITY – Manarimaan ti panangtratar ni US President Donald Trump ti nagduduma nga opsyon tapno maala ti Greenland.
Inbatad ti White House a maysa kadagiti ikonkonsiderar nga opsyon ni Presidente Trump ket ti panangusar ti military.
Kuna ti White House a ti panangala ti Greenland, a maysa a semi-autonomous a rehiyon ti pada a miyembro ti Nato a Denmark ket maysa a prayoridad iti national security.
Ti statement ket naiparuk-at sumagmamano nga oras kalpasan ti panangisyu dagiti European leaders ti joint statement a mangsupsuporta ti Denmark, a manglapped kadagiti ambisyon ni Trump para iti Arctic island.
Maipalagip nga inpetteng ni Trump a kasapulan ti Estados Unidos ti Greenland para seguridad a nangitunda met ken ni Danish Prime Minister Mette Frederikse a nagballaag nga aniaman a panagatake ti Amerika ket agresulta ti panagpatinggan ti NATO.
Ti NATO ket trans-Atlantic military group a dagiti kaalyado na ket manamnama nga agtitinnulong no adda ti external attacks.
