LAOAG CITY – Nangaramid ti United States military ti maikadua a military zone iti border-da ti Mexico a mangnayon ti area iti Texas no sadinno temporario nga ibalud dagiti suldado dagiti migrants wenno trespassers iti maysa a naidesignar iti New Mexico.
Nangirubuat ni United States President Donald Trump ti aggressive immigration enforcement campaign sipod nagtugaw daytoy iti puesto, panangnayon kadagiti suldado nga agbantay iti southern border ken nagkari ti pannakai-deport ti minilyon nga immigrants nga iligal idiay Estados Unidos.
Basar iti Defense Department, pinagtalinaed ti United States Customs and Border Protection ti hurisdiksion iti illegal border crossings iti area ken dagiti suldado ti mangikabil kadagiti migrants iti United States Border Patrol wenno iti dadduma pay a civilian law enforcement.
Mainaig iti daytoy, basar iti United States Attorney’s Office nga adda ti 82 a migrants ti napatawan ti pannusa gapu iti panagdalyasatda iti New Mexico military zone.
Iti agdama, adda ti 11,900 a suldado ti manarimaan nga agbanbantay ti border.
