LAOAG CITY – Ikonkonsiderar ni United States President Donald Trump a sakupen ti kadakkelan a fuel hub ti Kharg Island ti Iran.
Daytoy a komento ni Trump ket kalpasan nga inrakurak dagiti opisial ti Estados Unidos nga agsagsagana dagiti suldadoda para iti posible a ground operations.
Inbatad ni Trump a naruay dagiti dinadaelda iti Iran idinto nga inpakaammo ti Israel nga adda ti baro a panangatakeda iti Tehran.
Mainaig iti daytoy, inpetteng ti Parliament Speaker ti Iran nga iyur-urayda laengen ti tignay dagiti suldado ti Amerika sakbayda a mangiwayat ti panangatake ti airstrike.
Naammoan nga umaboten ti presio ti langis iti $115 ken adda pay ti ballaag a ngumato ti presio dagiti taraon kalpasan a rumigrigat ti panagangkat ti abono.
Kabayatanna, manamnama a makipagkita ni United Kingdom Prime Minister Keir Starmer kadagiti business leaders iti Downing Street tapno talantanen ti epekto ti gubat.
