LAOAG CITY – Inpamatmat ni Presidente Joe Biden ti baro a pammalubos na iti Ukraine a mangpaputok kadagiti missile nga inpaay ti West countries kadagiti puntiria iti Russia, ken planona a pagsaritaan ti banag seknan iti baro British counterpart iti White House inton umay a lawas.
Sakbay ti miting, kinuna a dagiti opisial ti Estados Unidos ket saan da a ninamnama a dagus a pirmaan ni Biden ti panangipalubosna kadagiti Army Tactical Missile Systems nga inpaay ti Estados Unidos, a pagaammo kas ATACMS, no sadinno adagitoy ket mailansa kadagiti puntiria iti uneg ti Russia nga adayo iti beddeng ti Ukraine.
Ngem kas iti Estados Unidos, nangipatulod ti United Kingdom kadagiti bukodna nga long-range Storm Shadow missiles idiay Kyiv.
Ti pannakausar dagitoy, agraman ti pannakausar dagiti umasping nga armas manipud France, ket limitado laeng iti uneg ti Ukraine, ken aniaman a panagbalbaliw ket kasapulan ti pirma ken pammalubos ti Estados Unidos.
Maiplaagip a nabayagen nga inawagan ti Presidente dagiti opisial ti Ukraine a mangpalag-an kadagiti restriksion kadagiti armas.
Ngem bayat nga agtultuloy ti gubat, ket napaigetan ti diskusion idiay White House maipapan iti mabalin a panagbalbaliw.
Iti uneg ti administrasion ni Biden, ti debate ket nangipit kadagiti sumagmamano nga opisial a mangsupsuporta iti pannakaluk-at dagiti restriksion kontra kadagiti dadduma managduadua, nga agannad kadagiti peggad a mabalin a mapasaran dagiti umili.
