LAOAG CITY – Ad-adalen ni United States President Donald Trump ti military options idiay Iran.
Daytoy ket kalpasan ti nagbalin a naranggas nga addang ti gobierno kontra kadagiti mangiwaywayat ti tignay protesta.
Naammoan a kadagiti naglabas nga aldaw ket nangisayangkaten ti panagsasarita mainaig iti posible a pannakiraman ti Estados Unidos.
Basar iti White House nga inriprisentar kenkuana dagiti security team dagiti options a nakapokus iti panang-targetda ti security services ti Iran.
An-annadan ita ti Estados Unidos a ti pannakibiangda iti Iran ket mabalin nga ag-backfire kadakuada ken madadael dagiti ilablaban dagiti mangiwaywayat ti tignay protesta.
Mainaig iti daytoy, dagiti nasao nga options ket maysa a wagas tapno matulungan dagiti maseknan nga indibidual a mangiwaywayat ti tignay protesta.
Immunan nga inrakurak ti gobierno ti Iran a mangitunda iti negatibo ti aniaman a pannakiraman ti Amerika.
