LAOAG CITY – Ibilang ni United States President Donald Trump a nagbalin a nabunga ti panagsinnarita da Russian President Vladimir Putin ken ti Ambassador-na a ni Steve Witkoff.
Adda iti Moscow ni Witkoff tapno gutigoten ni Putin nga agtungpal iti ceasefire nga ilunglungalong ti Estados Unidos ken agsardengen ti rinnupakda iti Ukraine.
Ti nasao a panagsarita ket kagiddan iti umas-asideg a deadline nga inpaay ni Trump iti Russia nga umannugot iti ceasefire ken no bilang mapasamak daytoy ket patawanna ti nadagdagsen a pannusa.
Nakasarita pay ni Trump dagiti sumagmamano a kaalyadona a pagilian iti Europa no sadinno a mamatida a nasken nga agsardengen ti riribuk iti nagbaetan ti Russia ken Ukraine.
Maipalagip a pinangtaan ni Trump ti Russia a patawanda ti nangato a taripa ken nadagsen a sanctions kadagiti produktoda.
