LAOAG CITY – Manamnama ti pannakatuloy ti plano a panagkita iti personal da US President Donald Trump ken Chinese President Xi Jinping.
Segun kenni White House Press Secretary Karoline Leavitt, maiyuswat ti taripnong dagiti dua a lider idiay South Korea intono Huwebes.
Naamoan a maadddaan ti bilateral meeting dagiti dua nga agatendar iti Asia-Pacific Economic Cooperation (APEC) summit.
Maipalagip nga adda ti saan a nagkinnaawatan wenno adda ti saan a napintas a relasyon ti Amerika ken China gapo iti trade war no sadinno pinatawan ni Trump ti nangato a taripa dagiti produkto ti China.
