LAOAG CITY – Naangay ti private meeting ni US President Donald Trump kadua na ni Prince William ken ti asawa na a ni Princess of Wales Catherine.
Malaksid iti daytoy ket adda pay ti naiyuwat nga state banquet ken inbatad ni Trump a ti relasyon ti Amerika ken United Kingdom ket nalablabes pay ngem espesyal.
Nagyaman met ni King Charles kenni Trump iti personal commitment na para iti panagbirok na ti solusyon kadagiti gulo a mapaspasamak iti intero a lubong.
Iti isasangpet ni Trump ken ti asawa na a ni Melania ket sinabat isuda a personal ni King Charles ken Queen Camila no sadinno ada pay ti military parade iti Windsor Castle kasta met ti Red Arrows flypast a makita dagiti eroplano a mangir-irwar ti asok nga agmaris ti nalabbaga, puraw ken asul.
Intono met Biyernes ket manamnama a makataripnong ni Trump ni British Prime Minister Keir Starmer.
Ummuna iti daytoy, sinarabo tignay protesta ti panagbisita ni Trump idiay United Kingdom.
Agsisina a protesta ti naiyuswat idiay London ken iti mismo nga asideg ti Windsor palace.
Sumagmamano kadagiti protesters ti nangibaga a kaykayat da pay nga awaten dagiti immigrants ngem ni Trump ken inawagan da pay a racists ti US President.
Inbatad met ti Metropolitan Police idiay London a kaadoan kadagiti protesters ket nakaawiden.
