LAOAG CITY – Nagpanawagan manen ni United States President Donald Trump kada Russian President Vladimir Putin ken Ukrainian President Volodymyr Zelensky nga ituloy ti panagsaritada.
Inbatadna a mabalin a maiyuswat ti panagsarita ti dua a lider uray saanen nga agatendar daytoy.
Inadmitirna a ti nagbaetan ti dua ket narigat a masolbar gapu ta saan a mangipakpakita ni Putin ti interes a malpasen ti gubat.
Iyurayda ti sungbat ti Russian President ken no bilang saan daytoy nga agtungpal ket sumango daytoy iti nadagsen a situasion.
Saan met a dinakamat ni Trump no ania ti mapasamak iti Russia no agtalinaed a saan a sumurot iti gagemna.
Immunan nga inpakaammo ni Putin a nakalukat daytoy iti direkta a pannakisarita ken ni Zelensky ngem kalpasan ti sumagmamano nga aldaw ket inbabawi ni Foreign Minister Sergei Lavrov ti Russia ti rakurak ti Presidente ti Russia.
