LAOAG CITY – Nagturong idiay Scotland ni United States President Donald Trump tapno bisitaen ti dua a golf resorts a kukuana no sadinno a ditoy a naipasngay ti inana.
Manamnama a bisitaen ni Trump ti Turnberry iti South Ayrshire a maysa a world class a resort a nagatangna idi 2014 ken iti Menie iti Aberdeenshire a manglukat daytoy ti baro nga 18-hole course.
Basar iti White House, makataripnong ni Trump ni Prime Minister Sir Keir Starmer tapno talantanen ti trade kabayatan ti kaaddana idiay United Kingdom.
Maibilang a naidumduma ti nasao a biahe gapu ta manmano laeng ti maysa a Presidente idiay Estados Unidos a mangipakpakaammo ti personal nga hilig tapno maammoan dagiti tattao.
