LAOAG CITY – Inbatad ni US President Donald Trump a nakasaganan ti Ukraine a mangirugi ti peace negotiations iti kabiitan a panawen.
Inpakaammo pay ni President Trump nga adda metten ti signal ti Russia para iti nasao a katulagan.
Immunan nga inpakaammo ni Trump iti kongreso a nakaawat ti surat manipod ken ni Ukrainian President Volodymyr Zelensky no sadinno a kalikagom ti naud-udi a maurnus ti relasyon da.
Mainaig iti daytoy, kuna ni Trump a maaprisyar na ti inaramid ni Zelensky.
