LAOAG CITY – Ikonkonsiderar ni US Presidente Donald Trump ti mangipatulod iti 10 ribo a tropa da iti US-Mexico border kas paset ti ipatungpal ti gobierno na nga immigration crackdown.
Immunan nga inbilin ni President Trump iti 1,500 a tropa ti Amerika ti panagikabil da iti barikada iti border.
Ti nasao a plano ket naipalaon iti memorandum a napetsaan ti Enero 21, 2025 .
Naipalaon pay iti memorandum a dagiti bases ti US Department of Defense ket mausar kad “holding facilities” para kadagiti migrants nga agur-uray iti pannakaideportar na.
Maipalagip a sumagmamano nga oras kalpasan ti panagsapata ni Trump kas presidente iti Amerika ket indeklarar na ti national emergency iti US-Mexico border.
