LAOAG CITY – Inrakurak ni US President Donald Trump ti panagpili na ti disenyo ti “Golden Dome,” maysa a missile defense shield nga agbalor ti $175 billion a gagem na a protehiran ti Amerika manipod iti pangta ti China ken Russia.
Pinili met ni Trump ni US Space Force General Michael Guetlein kas mangidaulo iti nasao a proyekto.
Gagem ti satellites nga establisaren, subaybayan, ken saeden dagiti missiles nga agturong iti Estados Uni
Inyarig daytoy ni Trump iti Star Wars defense system ni Ronald Reagan, ngem kuna na a possible a mapasamak gapu iti kabarwanan a teknolohiya nga adda iti Estados Unidos.
Mainaig iti daytoy, inbatad ti Canada nga interesado da met nga agbalin a paset ti proyekto para iti ad-adda pay pannakapapigsa ti koordinasyon da iti North American Aerospace Defense Command (NORAD) kasta pay ti seguridad dagitoy.
Nupay kasta, adda ti panagamak ti sumagmamano nga eksperto ken agpanpanday linteg.
Basar iti Congressional Budget Office, possible nga umabot iti $831 billion ti magastos para iti proyekto nga agpaot iti 20 a tawen.
Innaganan met ti sumagmamano a kompanya ti possible nga agbalin a kontraktor ti proyekto kas ti SpaceX ni Elon Musk, Palantir, Anduril, L3Harris, Lockheed Martin, ken RTX.
