LAOAG CITY – Manamnama ti panangpirma ni US President Donald Trump ti maysa nga executive order para iti pannakapagbalin ti English kas official language iti Estados Unidos.
Ti nasao a pammilin ket palubusan na dagiti government agencies a mangusar latta dagiti agdama a pagalagadan ken mangipaay ti dokumento ken serbisyo iti sabali a lengguwahe.
Nupay kasta, inbatad ti White House a mangipaay ti gundaway kadagiti maseknan nga ahensya ti gobierno nga agdesisyon no kaano ken kasanu ti mangipaay kadagiti serbisyo kadagiti lenggwahe malaksid iti Ingles.
Naamoan a ti nasao nga addang ket mangibabawi iti mandato idi ni dati nga US President Bill Clinton a mang-require kadagiti ahensya ken dadduma nga organisasyon nga umaw-awat ti federal fund tapno mangipaay ti tulong para kadagiti saan a makapagsarita iti Ingles.
Maipalagip nga adda ti nasurok a 350 a lengguwahe iti Estados Unidos ngem ti sarita nga Ingles ti ad-adda a maus-usar iti intero a pagilian.
Segun iti White House, ti pannakaestablisar ti national language ket mangpapigsa ti tela iti kagimongan a mangipaay ti bileg kadagiti umili.
