LAOAG CITY – Inrakurak ni President-elect Donald Trump nga ipaayan na ti 90 nga aldaw nga extension ti TikTok sipud na-ban daytoy idi kalman, Enero 19, 2025.
Kuna ni Trump a ti extension ket maibagay ken kasayaatan no mangipaay ti pormal a rakurak kalpasan a makapagsapata iti pwesto na.
Ti rakurak ni Trump ket kalpasan ti nagbalin a desisyon ti Korte Suprema ti Estados Unidos a mangipawil iti TikTok malaksid laengen a no ti parent company na a Chinese a ByteDance ket ilako na ti platform sakbay ti aldaw a pannakai-ban na.
Nupay kasta, nagkedked ti ByteDance a mangilako ti nasao a platform.
