LAOAG CITY – Ikonsiderar ni United States President-elect Donald Trump dagiti plano para iti immigration raids idiay Chicago inton sumaruno a lawas.
Inbatad ni Mr. Dulce Ortiz, Presidente ti Illinois Coalition for Immigrant and Refugee Rights, manamnama nga agingga iti 200 nga ahente ti Immigration and Customs Enforcement ti mangrugi nga agturong iti lugar ti Chicago inton Lunes a panggepda a matiliw dagiti tattao nga agturong iti trabaho.
Naammoan a mangisayangkat met dagiti ahente iti panagturong idiay New York ken Miami.
Mainaig iti daytoy, ti Immigration and Customs Enforcement ket mangiwayat ti makalawas nga operasion idiay Chicago nga addaan iti mabalin a ginasut nga ahente.
Kabayatanna, inrakurak ni Trump a ti panangirugi kadagiti mass deportations nga inkarina iti kampaniana idi eleksion ti kangrunaan nga ipangpangrunana ngem nagkedked a mangibutaktak kadagiti siudad a puntiria wenno no kaano a mangrugi ti pannakai-deport-da.
