LAOAG CITY – Nagpositibo iti covid-19 ni US President Joe Biden ken manarimaan ti panag-isolate na iti White House.
Inpakaammo ni press secretary Karine Jean-Pierre a ti agtawen ti 79 a presidente, fully-vaccinated ken naminduan a daras a nakaawat ti booster jabs ket agpaspasar ti “very mild symptoms” ngem itultuloy na dagiti nakalinya a serbisyo ken aktibidad na.
Inbatad na nga agtumtumar ti presidente ti antiviral medicine Paxlovid.
Mainaig iti daytoy, kuna ni Pierre a ni First Lady Jill Biden ket negatibo iti virus bayat nga adda iti Delaware.
Innnayun na nga itultuloy ti presidente ti agtrabaho bayat nga adda iti isolation ken agingga nga agnegatibo iti virus.
Kuna na a dagiti naituding a meetings ket atendaran ni Biden babaen iti telephone ken Zoom.
Immuna iti daytoy, inbatad ni Pierre a pakaamoan ti White House medical unit dagiti amin a close contacts ti presidente pakairamanan dagiti miembro ti kongreso wenno press a nakadkadua ni Biden idi bimmisita iti Massachusetts iti naminsan nga aldaw.
