LAOAG CITY – Manamnama a makipagkita ni United States Vice President Kamala Harris ken ni Ukrainian President Volodymyr Zelensky idiay Washington, DC, inton sumaruno a lawas.
Ti miting ket maangay gapu iti epekto ti resulta ti eleksion ti Amerika iti gubat ti Russia-Ukraine ken ti pagannurotan ti Estados Unidos iti Ukraine bayat nga agsapsapul da iti kanayonan a kagamitan a para gubat.
Idi napagsaludsodan idi Mierkoles no makipagkita ni Harris ken ni Zelensky inton sumaruno a lawas, insingasing ti pannakangiwat ti National Security Council a ni John Kirby a no adda gundaway ni Harris ket ikkan na daytoy ti panawen.
Makipagkita pay ni Harris, agraman ni US President Joe Biden, iti presidente ti United Arab Emirates.
