LAOAG CITY – Personal a binisita ni United States Vice President JD Vance ken Defense Secretary Pete Hegseth dagiti National Guard a naidesignar iti main train station ti Washington D.C.
Inbatadna a naisublida ti linteg ken kinakappia idiay Washington D.C.
Dinayaw dagiti suldado no saadinno nga inikkanna dagitoy ti burger.
Binabalaw ni Vance dagiti mangiwaywayat ti tignay-protesta a saanda a kayat nga agbalin a naragsak dagiti Amerikano iti komunidadda.
Maipalagip a dinutokan ni United States President Donald Trump dagiti National Guard idiay Washington DC tapno malpasen dagiti mapaspasamak a krimen.
Kabayatanna, naruay a residente ti Washington DC ti nangiwayat ti tignay-protesta gapu iti inaramid a pannakapaiget ti gobierno.
