LAOAG CITY – Ngimmato ti sovereign debt ti Pilipinas iti baro a rekord daytoy para iti February 2025, mangipasimudaag daytoy nga agtultuloy ti borrowing efforts ti Pilipinas tapno pundoan ti socioeconomic ken infrastructure initiatives.
Daytoy ti makita iti datos nga inparuk-at ti Bureau of the Treasury.
Rumrummuar a ti outstanding debt ti national government ket P16.63 trillion iti panagngudo ti Pebrero, nagmarka daytoy ti 1.96% a panagngato manipud iti P16.31 trillion para iti January 2025.
Basar iti Treasury, nausar daytoy tapno masuportaran dagiti public programs ken projects.
Kabayatanna, inbatad ni Michael Ricafort, chief economist ti Rizal Commercial Banking Corp., iti panagngato ti debt stock iti agtultuloy a fiscal deficit nga agkasapulan ti ad-adu a ‘borrowing’ tapno masupusupan ti government expenditures a limmabes iti birok.
