LAOAG CITY – Umabot iti 30 a tattao ti natay iti napasamak nga stampede iti nalatak a tourist site idiay Haiti.
Napasamak ti insidente kabayatan ti tinawen nga Easter gathering iti Laferrière Citadel, ti Unesco World Heritage site.
Segun ken ni Jean Henri Petit, ti mangidadaulo iti Civil Protection for Haiti’s Nord Department, possible a ngumato pay ti bilang dagiti natay gapu iti kaado dagiti nasugatan iti insidente.
Mainaig iti daytoy, inrakurak met ni Prime Minister Alix Didier Fils-Aimé a kaadoan kadagiti nagatendar iti aktibidad ket dagiti agtutubo.
Inpasingked na ti pannakaiyuswat ti naun-uneg nga imbestigasyon tapno maamoan no kasanu a napasamak ti stampede.
Indanun met a dagus ti gobierno ti Haiti ti pannakipagladingit da iti pamilya dagiti pimmusay iti insidente.
