LAOAG CITY – Ngimmato ti pakabuklan nga utang ti Pilipinas iti P15.89 trillion iti panagngudo ti bulan ti Setiembre 2024.
Basar iti Bureau of Treasury (BTr), ngimmato daytoy iti P343.11 billion wenno 2.2% sipod idi Agosto nga adda iti P15.55 trillion.
Inlawlawag ti ahensia a ti panagngato ti utang ti gobierno ket gapu iti kanayonan nga inutang kadagiti local ken foreign lenders tapno masupusupan a budget deficit.
Maipalagip nga iti napalabas a tawen, ngimmato ti utang ti gobierno ti 11.4% wenno kanayonan a P1.6 trillion idi Setiembre 2023 nga adda ti pakabuklan a P14.27 trillion.
