LAOAG CITY – Agtultuloy a ngumatngato ti utang ti Pilipinas.
Basar iti Bureau of Treasury, ngimmato iti P18.16 trillion ti pakabuklan nga utang ti Pilipinas agingga iti katapusan ti Pebrero.
Nangatngato daytoy ngem ti sumurok P25 billion maidasig idi Enero.
Iti baet daytoy, nagtalinaed a natibker ken naurnos ti panangimaton ti utang nangruna ita a pabaliw-baliw ti garaw ti world economy.
Adda ti P12.48 trillion ti domestic debt wenno utang iti pang-uneg a resulta ti ad-adu a government securities tapno pundoan dagiti proyekto ti gobierno.
Kabayatanna, bumabbaba met ti utang iti pang-ruar iti P5.68 trillion nga epekto ti panaggaraw ti balor ti piso kontra iti dolyar.
