LAOAG CITY – Kinumpirmaran ni Police Capt. Joseph Tayaban, ti chief of police iti ili ti Badoc nga adda ti natiliw da a maysa a Toyota GL Grandia a maipagarop nga agpaspasada.
Inbatad ni Tayaban a basar iti impormasyon da ket mapan agal-ala ti pasahero ti nasao a lugan iti Metro Manila ken ipanna ditoy Ilocos Norte wenno Ilocos Norte mapan idiay Manila.
Segun ken ni Tayaban, iti pannakatiliw da ti lugan iti border checkpoint ti nasao nga ili ket nakita da nga adda ti karga na a maysa a returning resident.
Gapu iti daytoy, innala da ti maseknan ken inkabil da iti quarantine area tapno mai-quarantine ti 14 nga aldaw.
Innayon ni Tayaban nga uray ti driver ti van ket mai-quarantine met ti 14 nga aldaw gapu ta maibilang daytoy a returning resident.
Ti driver ket taga Laoag City isut gapuna a ditoy ciudad a mai-quarantine.
Naamoan a ti nasao a driver ket adda ti inpakita na a dokumento manipod iti LTFRB a daytoy ket agtrabtrabaho iti maysa a Travel and Tours ngem ti nasao nga ahensya ket nasuspenso pay laeng ti operasyon na.
