LAOAG CITY – Nagballaag dagiti researchers manipod idiay Australia a ti panagusar ti nicotine-based vapes wenno e-cigarettes ket mabalin a mangitunda ti cancer iti bara ken bibig.
Iti panagadal nga indaulwan ti University of New South Wales (UNSW), rimuar a ti vaping ket adda ti direkta nga epekto na iti bagi, karaman ti DNA damage, panaglitteg ti tissue ken panangbukel ti tumor iti bara basar kadagiti laboratoryo ken animal studies manipod iti 2017 agingga iti 2025.
Naduktalan pay ti presensya dagiti carcinogenic wenno cancer-causing chemicals iti vape aerosols, kas ti toxic compounds ken metal manipod iti heating coils.
Basar kadagiti eksperto, nangatngato pay ti risgo dagiti tattao a paggid-giddanen na ti ag-vape ken sigarilyo.
