LAOAG CITY – Nakapasar ni Pope Francis ti bronchospasm kabayatan nga adda iti Gemelli hospital.
Basar iti Vatican, gapu iti daytoy ket kellaat a kimmaro ti respiratory condition daytoy ken nag-vomit pay isuna.
Insigida a naipadalan ti agtawen ti 88 a Santo Papa iti bronchial aspiration tapno sumayaat ti panagangesna.
Naikabil ti Santo Papa iti non-invasive mechanical ventilation a nagresulta iti nasaysayaat nga oxygen level-na.
Nagbalin nga alerto isuna ket naiget ti pannakikooperarna iti aniaman a bilin ti doktor.
Agtultuloy a nakaalerto dagiti doktor iti kasasaad ti Santo Papa no sadinno nga inpakaammoda a saan a kritikal maidasig kadagiti naglabas nga aldaw.
Kabayatanna, agtultuloy met ti panagkararag ti rosario iti Vatican ken ti panagbisita dagiti deboto iti sango ti ospital a mangipapaayda ti sabsabong ken dagiti surat para iti alisto a panagimbag ti Santo Papa.
