LAOAG CITY – Binabalaw ti Venezuela ti desision ti Brazil a mang-veto iti admissions ti grupo ti Brics iti benneg ti ekonomia.
Inladawan ti foreign ministry ti Venezuela ti tignay, kalpasan a naiwayat ti summit ti grupo idiay Russia a tinabunuan ti nasurok a 20 a mangidadaulo ti estado, kas “immoral aggression”.
Kimmaro ti relasion ti dua a gobierno sipud idi Hulio apaman ti naangay nga eleksion idiay Venezuela.
Kinuna ni Presidente Nicolás Maduro a naseguronan ti maangay a re-election, iti laksid dagiti ebidensia a nangabak ni Edmundo González ti oposision babaen ti landslide.
Ni Presidente ti Brasil a ni Luiz Inácio Lula da Silva ket immuna a sinuportaranna ni Maduro, ngem idi kamaudiananna ket kinunana a dina awaten dagiti opisial a resulta agingga a ti pannakabingbingay ti butos ket nairuar.
