LAOAG CITY – Nakagun-od ti dua a world record ti agtawen iti 52 a veteran freediver manipud idiay Switzerland kalpasan a naglangoy iti nakalamlamiis a karayan iti Austria.
Kinumpirmaran ti records keeping organization a Guinness World Records a ni Peter Colat ti baro a record holder ti titulo a “Longest Swim Under Ice With Breath Held” kalpasan a kinabaelanna ti aglangoy agingga iti 106.25 meters iti Vilsalpsee lake iti Tannheim, Austria.
Ni Colat ket mabigbigbig kas freediver iti Europe ken nakapangabaken iti 16 Swiss championships ken lima nga international freediving competition.
Malaksid iti naawatna a titulo, record holder pay isuna iti titulo a “Longest Time Breath Held Underwater” iti record a 23 minutes and 33 seconds.
