LAOAG CITY – Inbinsa-binsa ni Vice Mayor Vicentito Lazo ditoy ciudad ti Laoag dagiti pagalagadan ti panagoperar ti galyera.
Linagip na nga idi isuna pay laeng ti Chairman ti Committee on Games and Amusement bayat ti panagbalinna a Sangguniang Panlalawigan Member ket maminsan laeng ti maysa a lawas ti operasyon ti galyera.
Segun kenkuana, saan a mabalin a maipatakder daytoy iti commercial area ken asideg ti place of worship ken pagadalan.
Kunana a daytoy ti rason a pinaserraan da ti galyera ditoy ciudad gapu ti lokasyon na.
Mainaig iti daytoy, ada ti posibilidad a maiyakar ti galyera no laketdi adda ti sabali a lote a pakaipatakderan na ditoy ciudad a legal ken saan a makariribok iti aglawlaw.
